أسئلة منطقية و من يصل لإجابتها سيفهم الحقيقة ................ كعادتي فى طرح القضايا المعقدة
س: هو الريس فجأة اكتشف ان الدستور محتاج يتعدل؟؟؟ ما هو اللى عدله و طرمخه سنة 2005
و ان احمد عز ده بطيخة ؟ ما هو اللى عينه أمين تنظيم و سلمه البلد
و ان الحكومة بنت كلب؟ ما هو اللى كلفها و سابها اكتر من 7 سنين غصب عن عين الشعب
و مجلس الشعب ده مزور ؟
ما هو اللى قال فى الخطاب الافتتاحى لمجلس الشعب ان انتخاباته كانت حرة و شفافة
و استخف بالبرلمان الموازى بتاع المعارضة و قال عليهم ناس فاضية بتعمل كلام فارغ
بعد كل ده اكتشف الرئيس فجأة انه كان غلطان ؟؟
س: مين اللي اعطي اوامر للامن و الشرطة يعملوا فى الشعب اللى عملوه يوم 25 و 26 يناير
و اللى عملوه يوم الجمعة 28 يناير ؟؟؟ مش حبيبه ؟؟ على مرأى و مسمع منه و موافقة ؟
ياراجل الشباب كان بيصلي .... بيصلي .... فى ايدين ربنا
و عربيات الامن المركزي بترش عليهم ميه و العساكر بتطلق قنابل غاز و هما بيصلوا
ده واحد نثق فيه ؟؟
س: لما هو قلبه على البلد و عاوز يعمل انتقال سلمي كان سايب قناصة الداخلية
طايحين فى الشباب المتظاهر و عاملها مجزرة ليه ؟؟؟؟
س: لما هو مكانش ناوي يترشح مقالش ليه فى اول خطاب يوم الجمعة انه مش هيترشح
و لا كان مستني يشوف رد فعل الناس ايه
ده واحد فاكرنا اغبيا
س: التيلفزيون الحكومى القناة الاولي و التانية ما بتجبش الميدان ليه ؟؟؟؟ و لا الناس المتظاهرين ليه ؟؟؟
س: مين له مصلحة ان البلد تبقي فوضي و هو بلسانه قال كدة " علينا الاختيار بين الاستقرار و الفوضي "
و الباشا عمل الفوضي عشان يبقي وجوده فى السلطة حتمي عشان يرجع الاستقرار ..... لعبة قذرة
س: قناة الجزيرة دى مأجرة ناس و عاملة ميدان زى ميدان التحرير فى جنوب افريقيا
و جايبه ناس من الهند و دبابات من استراليا عشان تصورهم ؟؟
و لا بتصور اللى بيحصل فى مصر ؟؟ و لا الصور و الفيديوو الكاميرات دى كمان بتكدب ؟؟؟
س: لما المادة 76 و 77 مش عاجبين مبارك دلوقتى و هيغيرهم طب كان حطهم ليه ؟؟
مش دى المواد اللى هو شخصيا كتبها ؟
مش هو اللى حطهم ؟؟؟
س: الراجل ده لو عايز استقرار و فعلا صادق ملغاش قانون الطوارئ ليه لحد دلوقت ؟؟؟؟
عشان لما الناس تصدقه و تروح يعتقلهم كلهم و يحط الميدان تحت سيطرة الجيش
و ينتقم من الشعب ابشع انتقام فى الكام شهر اللى فاضلين ؟
سلط الكلاب اللى انكشف انهم بلطجية متأجرين و بعض رجال الشرطة و المخبرين ليه دلوقتى
على الشباب اللى بيتظاهر عشان يفض المظاهرات و مش فارقة معاه دم الشباب ؟؟؟
س: اشمعني دلوقت جاى تعين نائب ؟؟؟؟ و اشمعني عمر سليمان ؟؟؟ و اشمعني بعد ما اتشاورت مع امريكا ؟؟؟
س: اشمعني طلعت الخطاب بعد ما قعدت مع المبعوث الامريكي " السفير السابق" ؟؟؟
بعد ما قالولك تعمل ايه ؟؟؟
يبقي مين اللى عميل الشباب و لا انت ؟؟
الحقيقة واضحة للكل
ما ينفعش ندى واحد دم الشباب عنده سهل فرصة
ده كدااااااااااااااااااااااااااااااااااااااااااااب
اللى عاوز يفهم يفهم و اللي مش عايز يسكت و النبي و ما يعملناش فيها قلبه على البلد
انا لو عرفت انزل التحرير يوم الجمعة هنزل
و لو كنت هناك مكنتش همشي
يا قاتل يا مقتول
الناس لازم تفهم كدة
لو رجعت بيوتها يبقي عليه العوض و منه العوض
العقل بيقول كدة
يارب نفهم
0 الردود:
إرسال تعليق