ياللى بتقولوا .......

ياللى بتقولوا .......

كتير قالولى انساها و ابعد
عشان ما اكونش سبب ضياعها
طب لما هنسى و قلبى يبعد
فى البعد مش هتنزل دموعها ؟
----------------
يا اللى بتقولوا النهاية
لسه قلبى شايفها بكرة
و شايفها بعده و الحكاية
عمرها ما هتبقى ذكرى
----------------
انا حبى ليا مش اى حب
و لا هى قلبها اى قلب
حبى ليا حياة و كيان
و قلبها لو مهما كان
حالف يكمل مع قلبى عمره
ولا يسقى غيره حب و حنان
----------------
يا اللى بتقولوا القضية
خسرانة او دى مستحيلة
كان نفسى مرة تحسوا بيا
----------------
تجربوا لو يوم تكونوا
لملاك حياة قلبه و كونه
يمكن تحسوا بحبها
و لمسة ايدها و حضنها
و تآمنوا انى هموت بجد
لو عدى يوم مش جنبها
----------------

كل اللى قال دى قصة فاشلة
يا اسيادنا طيب و انتوا مالكوا
انتوا هتمشوا و القصة فاضلة
تشهد بأن الصدق خانكوا