قصة حب نهاها القدر ....

مالناش نصيب فى بعضنا .
انا و انتى يا اجمل حبيبة
حلمنا و توهنا فى حلمنا .
و صحينا على الدنيا الغريبة
لقينا فيها حبنا
و غلط و حرام و عيبة

دايما كنا نشوف الدنيا
الورد و فاتحة اديها
بس الدنيا كانت شايفانا
مش فاهمة اية حواليها
و لو كنا عرفنا من بدرى اللى فيها
ابتدى من الاصل هوانا
و مكانش الحب ده عاش جوانا
لو جبنا الحق عليها

اه كان حلمى اكون وياكى
اكمل باقى العمر معاكى
بس الحلم مكانش صغير
الدنيا بتتغير
حلم و كان وقته قصير
الحلم انى انساكى
بس صعب انسى هواكى
عليا اعيش متحير
مكتوب عليا اعيش جواكى
مكتوب على العين تفضل فاكراكى

ده انا حبى كان اجمل حكاية
بس غلطها كان من البداية
و غلطها ده منى سامحينى
دفعت تمنه من دمع عينى
مخدتش بالى ان سنينى
جاية و جايبة معاها نهاية

كان لازم احط لحلمى حدود
و اعرف ان طريقى مسدود
سنين ضاعت منى و منك
فى حلم اصلا ملوش وجود
السنين مش ممكن تعود
لا بقربى و لا ببعدى عنك
انسى حبى و عيشى سنك
بس انا بحبك موعود
اصلى عمرى ما هنسى انك
كنتى اغلى من الوجود

خلينى فى حياتك ذكرى
من غير ما اكون شريك فى بكرة
خلينى فى خيالك فكرة
حلم و كان كل حياتك
فيه اجمل ذكرياتك
و اللى يحب لا يمكن يكره
......... اه يا حبيبتى لا يمكن يكرة ..........