دفعة 88 المنحوسة

الناشر بـــنـــدق on 31 مايو 2009

الحظ معاند ليه ............ دفعتنا الدفعة المنحوسة
خيبتنا دى خيبة قوية ............ خيبتنا بعد الكلية
لا سفر لدولة عربية و لا جوه راح تنفع كوسة
الحظ معاند ليه ............ دفعتنا الدفعة المنحوسة

----------------------------------------

آدى المشير و آدى حلاوته ............ عايزنا ظباط لسيادته
و أهو كل واحد و شهادته يا شهادة نحس و ملبوسة
الحظ معاند ليه ............ دفعتنا الدفعة المنحوسة

----------------------------------------

و قالوا بره فيه أزمة ............ و سفرنا حاجة ملهاش لزمة
يعنى انضربنا بمية جزمة و حوستنا دى صبحت حوسة
الحظ معاند ليه ............ دفعتنا الدفعة المنحوسة

----------------------------------------

تراخيص مراكز الكورسات ............ طلع فيها وزير قرارت
و قال مفيش سنتر لغات يفتح فى كل المحروسة
الحظ معاند ليه ............ دفعتنا الدفعة المنحوسة

----------------------------------------

فيرس و جالنا فى طيور ............ خنازير و كله بالدور
و لو سافرت بره يا أمور ترجع بفيرس و فوقيه بوسة
الحظ معاند ليه ............ دفعتنا الدفعة المنحوسة

----------------------------------------

الدنيا ليه ما هياش بمبى ............ و لا حد فيها واقف جنبى
و بقولكم أنا أحلق شنبى لو حد بقى جنبه عروسة
الحظ معاند ليه ............ دفعتنا الدفعة المنحوسة
الحظ معاند ليه ............ دفعتنا الدفعة المنحوسة

قسم

0 الردود:

إرسال تعليق

الاشتراك في: تعليقات الرسالة (Atom)