نظرية التصور المسبق

النهاردة عندى ليكم نظرية مهمة جدا جدا
و النظرية دى عدم تطبيقها هو اللى جايبنا ورا فى كل حاجة
و نص النظرية دى بيقول
" لا يمكن أن تناقش أمرا لديك عنه تصور مسبق "
و ذلك بمعنى أن مش ممكن واحد يناقش موضوع أو فكرة أيا كانت و هو عنده رأى مكون
أصلا من قبل ما يتناقش يبقى كدة النقاش ملوش لزمة
طالما انا معنديش استعداد انى اغير معتقدى أو فكرتى عن الموضوع
اللى انا هدخل فى نقاش عليه يبقى ملوش لزمة النقاش اصلا
وزى ما اتعودنا

مثال 1 : أنا قاعد مع واحد صاحبى بنتكلم فى مشكلة الحضرى
و الواحد ده زملكاوى متعصب فقاعد يدافع عن عصام الحضرى
انا اقوله دا مشى بطريقة غلط و اتكلم بعدها و غلط و خد مستحقاته من الأهلى
يقولك لأ و يتفنن فى إنه يدافع و يبرر لعصام الحضرى اللى عمله
المفروض انه يسمع و يعقل الموضوع و الحقائق و يمشى ورا الحقائق
حتى لو كانت الحقايق دى غير ما هو فاكر
مش عيب ان الانسان يقول انا كنت فاكر كذا بس ما طلعش صح

أظن الموضوع واضح و مش محتاج مثال 2

و كــلــه بـالــعــقـل

ملحوظة // هذه هى رؤيتى الشخصية المتواضعة فى الحياة من واقع حياتى
و حقوق الفكر محفوظة 2009