نــظــرية الأنــانـيـة الــمــحــمــودة

نتكلم بقى النهاردة عن نظرية جديدة و هى نظرية الأنانية المحمودة
و نص النظرية دى بيقول "" أولى الناس بحبك ..... نفسك "
حد هيقولى ان العملية كدة قلبت بأنانية و ازاى نحب نفسنا
هأقول ان الأنانية دى يا جماعة هى إنك تحب نفسك بس
ما تحبش خير لحد إلا نفسك و دى غير اللى انا بتكلم فيها
أولى كلمة فى نص النظرية هى "أولى" و الكلمة معناها
الأولى أى الأقرب و الذى يأتى دوما فى مقدمة الأولويات
و ثانى كلمة " الناس " هى الناس بصفة عامة فى العالم
و ثالث الكلمات "بـ حبك " أى الحب و حب الخير الذى تملكه
و رابع الكلمات هو " نفسك " أى أنت

و التفسير هو أن أولى الناس الذى لهم الأولوية فى الحب و التقدير هو أنت نفسك
ازاى يعنى النظرية بتقول إنك لازم تكون حابب نفسك و ما تحبش حد أكتر من نفسك
دايما حب الخير لنفسك و حب الخير للناس
و لو فيه خير كتير ممكن تعمله لحد و هيضرك انت و هيجى عليك فى حاجة ما تعملوش
وزى ما اتعودنا

مثال 1 : أنا معايا فلوس فى جيبى تقدر مثلا بـ 50 جنية
خطتى فيهم كالآتى هجيب مذكرات بـ40 جنية و 10 جنية مثلا هروح بيتنا بيهم
و حد ميل عليا و قالى انا عاوز استلف منك 20 جنية عشان مش معايا فلوس خالص
هل بقى اقوم زى الشاطر مديله و ما اجيبش المذكرات بتاعتى و اسقط
أو اديله فلوس و ما روحش
فى الحالة دى الأولوية لنفسى و دى طبعا مش أنانية

أظن الموضوع واضح و مش محتاج مثال 2 عشان ما ارغيش كتير

و كــلــه بـالــعــقـل

ملحوظة // هذه هى رؤيتى الشخصية المتواضعة فى الحياة من واقع حياتى
و حقوق الفكر محفوظة 2009